AGYLAEUS Henricus

AGYLAEUS Henricus

Nomocanonem Photii Latine vertit, post Gentianum Hervetum: quae ambae versiones Latine primo prodierunt, sine textu Graeco; Sed posterior illa Agylaei duplici nomine prae illa Herveti commendatur. Namque et plenior est, utpote ex pleniroi exemplari Graeco facta; et magis accedit ad stylum Iurisconsutorum. Unde quamvis Graece et Latine editus Nomocanon Parisiis primum est, cum interpretatione Gentiani praefati et Commentariis Balsamonis, ex Typographia Regia: Henricus tamen postea Iustellus in Biblioth. Iuris Canon. Vet. accuratius eundem, Graece itidem et Latine; ex Interpretatione Agylaei, edidit, una cum iisdem Balsamonis Commentariis, additis diu desideratis Photii Prolegomenis, ab Usserio Archiepisc. Armachano et aliis ex MSS. citatis: ita tamen ut quae in ea desicerent, versione novâ supplerentur, quae cum Graeco non omnimode congruerent, emendarentur; mutatis etiam nonnullis, quae minus proprie in rebus Theologicis viderentur expressa, ut ipse Iustellus ait in Praefat. Vide Gerhardum von Mastricht Histor. iuris Eccl. num. 244.